連續三日嘅活動吸引咗逾千位參加者，令活動氣氛爆棚！除咗玩遊戲贏獎品之外，仲有好多熱心市民捐款同支持義賣，超感動！
不少朋友更即場成為每月捐款者！善款將會支持奧比斯全球救盲項目，幫助更多眼疾人士獲得診治。
奧比斯香港辦事處已經成立咗40年，非常感激捐款者一直同我哋並肩救盲，同時不同單位同贊助機構喺每次舉辦慈善活動時嘅大力支持！
多謝青衣城贊助活動場地，亦感激「一視瞳仁」義務視光師團隊為超過550位市民提供視力檢查服務！活動能夠順利進行，有賴C2司儀義工團
以及「如心賞」嘅義工朋友們。當然，要特別鳴謝樂器贊助 Tom Lee Music 通利琴行及所有表演嘅大小朋友，令活動生色不少！
以及「如心賞」嘅義工朋友們。當然，要特別鳴謝樂器贊助 Tom Lee Music 通利琴行及所有表演嘅大小朋友，令活動生色不少！
我哋計劃喺今年再次舉辦「睇」驗日，希望唔同區嘅支持者都可以參與！如果大家對活動內容同地區有任何好提議，記得電郵至 info.hk@orbis.org 同我哋分享啊！
而家，奧比斯「飛出」青衣城，遲啲4月13日會「降落」喺大潭郊野公園舉辦「步步獻光明」慈善步行！未報名嘅朋友快啲行動啦～
